БИШКЕК. Парламент кабыл алган бүгүнкү токтомдо инвесторлорду тандоодо ачык тендер жүргүзүү, мыйзамды бузуу менен Кыргызстан үчүн пайдасыз келишим түзүүгө жол бергендерди кылмыш жоопкерчилигине тартуу талаптары бар. Жерүй кени мурдагы бийлик тушунда «Оксус голд» компаниясына берилип, бирок ошол эле өкмөт тарабынан лицензиясы кайра алынган. Эми кенди Австрияда катталган «Глобал голд» компаниясына берүү боюнча келишим түзүлгөн. Депутаттардын бир тобу кендин аталган компанияга тендерсиз берилиши менен «Кен байлыктар тууралуу» мыйзам бузулганын айтышууда.
