Кыргыздын залкар уулдарынын бири, композитор Калый Молдобасанов акыркы сапарга узады

БИШКЕК. Бүгүн опера жана балет театрында өткөн коштошуу расмисинде мамлекеттик катчы Адахан Мадумаров маркумдун өмүрү-чыгармачылыгына токтолуп, ал элине өлбөс-өчпөс чыгармаларды калтырып кеткенин белгиледи. Аза күтүү жыйынына президент Курманбек Бакиев да катышып, залкар таланттын жакындарына көнүл айтты. Маркумдун сөөгү ушул эле күнү «Аларча» көрүстөнүнө коюлду. Социалисттик эмгектин баатыры, СССРдин жана Кыргызстандын эл артисти Калый Молдобасанов шейшембиге караган түнү узакка созулган оорудан 77 курагында көз жумган.

Шайырбек Эркин уулу