Тегеран анын өзөктүк маселесин жөнгө салуу боюнча Улуттар Уюмунун Коопсуздук кеңешинин туруктуу мүчө-өлкөлөрү менен Германиянын сунуштарын кароого макулдугун берди. Бул тууралуу Ирандын тышкы иштер министри Манучехр Моттаки бүгүн Япониянын тышкы иштер министри менен телефон аркылуу болгон сүйлөшүүсүндө да билдирди. Тегерандын мындай чечимин АКШ президенти Жорж Буш позитивдүү кадам катары баалады. Иранга уранды байытууну токтотуунун ордуна бир катар экономикалык кызматташтыктар сунушталган.
