БИШКЕК. Бакиев ар бир үч айда жолугушуп, бийлик өкүлдөрү менен өлкөдөгү коомдук-саясий абалды талкуулап турууга даяр. Мамлекет башчы ушундай пикирин билдирди. Ал өз сөзүндө ошондой эле Конституциянын жаңы долбоору иштелип бүткөндөн кийин парламенттин кароосуна берилерин, парламент бир пикирге келе албай калган шартта референдумга коюларын маалымдады. Аксы окуясы боюнча башкы прокуратура ишти териштирип жатканын белгилеп, саясатчыларды ар кандай билдирүү жасардан мурда ойлонууга чакырды. «Реформа үчүн» кыймылынын жолугушууга келбей коюшун жеке дымакка жетеленүү катары баалады.
