БИШКЕК. Бишкек шаардык соту бүгүн «финансисттердин ишин» кароого киришти. Мурдагы мамлекеттик кызматкерлер Улан Сарбанов, Султан Медеров, Медет Садыркулов, Анарбек Сатыбалдиев, Динара Шайдиева мамлекеттин 420 миң долларын талап-тоноого катышты деген негиз боюнча козголгон бул ишти Биринчи май райондук соту карап, 26-апрелде аларды актаган чечим чыгарган. Буга макул болбогон Биринчи май райондук прокуратура аппеляциялык арыз менен май айынын башында Бишкек шаардык сотуна кайрылган.
