Бишкек шаарынын Октябрь райондук соту Нурлан Мотуевдин баш коргоо чарасын өзгөртүү тууралуу адвокат Сырдашбек Жакыповдун арызын 8-июнда канааттандырган жок. Бул тууралуу Акипресс маалымат агенттиги жазып чыкты. Нурлан Мотуевге «Кылмыш жана жаза» кодексинин сегиз беренеси боюнча айып коюлуп, Акулак мамлекеттик ишканасын жетектеп турган маалда мамлекетке 37 миллион сом зыян келтиргендиги айтылууда.
