«Ушактоо» жана «кордоо» үчүн кылмыш жоопкерчилигине тартууну жокко чыгарууну караган мыйзам долбоорун президент Курманбек Бакиев парламентке май айында жиберген. Бул тууралуу юстиция министри Марат Кайыпов 8-июнда билдирди. Анын айтымына караганда, долбоордо «Кылмыш жаза» кодексинен аталган беренелерди алып, аларды жарандык иш катары кароо сунушталууда. «Ушактоо» жана «кордоо» беренелери боюнча көбүнчө маалымат каражаттарынын өкүлдөрү жоопко тартылып келет.
Журналисттерди кылмыш жазасына тартууну токтотууну көздөгөн мыйзамдолбоору парламентте каралат
