БИШКЕК. Бишкек шаардык соту Кыргызстандын мурдагы президенти Аскар Акаевге берилди делген 420 миң доллардын ишин 14- июнда карайт. Анткени, мурдагы финансы министри Султан Медеров ооруп жаткандыгына байланыштуу сот жылдырылып келген. Бул тууралуу адвокат Сергей Слесарев билдирди. Мурдагы мамлекеттик кызматкерлер Улан Сарбанов, Султан Медеров, Медет Садыркулов, Анарбек Сатыбалдиев, Динара Шайдиева мамлекеттин 420 миң долларын талап-тоноого катышты, деп айыпталышууда. Биринчи май райондук соту 26-апрелде аларды актап жибергенден кийин мамлекеттик айыптоочу Бишкек шаардык сотуна аппеляциялык арыз менен кайрылган.
