Баткенде жугуштуу безгек илдети жайылууда

БАТКЕН. Бул илдетке кабылган 17 адам ооруканага жаткырылганын облустук санитардык көзөмөл борборунан бүгүн кабарлашты. Ооруга чалдыккандар негизинен Карабак, Төртгүл айыл өкмөттөрүнүн тургундары. Дарыгерлердин айтымында, аталган аймактардагы күрүч талаалары безгек ылаңын алып жүрүүчү чиркейлердин көбөйүшүнө шарт түзүүдө. Учурда илдетке каршы күрөшүү жана мындан ары жайылып кетүүсүнүн алдын алуу чаралары көрүлүүдө.

Шайырбек Эркин уулу