БИШКЕК. Кыргызстан америкалык тараптан экологиялык зыяндар үчүн компенсация өндүрүүнү көздөйт. Бул тууралуу тышкы иштер министри Аликбек Жекшенкулов билдирди. Министрдин айтымында, америкалык аскердик базанын ижара акысы боюнча сүйлөшүүлөрдүн экинчи айлампасында авианавигациялар үчүн кошумча каражат, экологиялык зыяндар үчүн компенсация төлөө маселелери талкууланат. Бир жума мурда аяктаган сүйлөшүүлөрдө эки тарап тең ортого койо турган шарттар менен таанышып чыгышкан.
