БИШКЕК. Мамлекеттик ветеринария департаментинен бүгүн «Азаттыкка» билдиришкенине караганда учурда өлкөдө аталган илдеттин клиникалык белгилери байкалган 413 баш мал катталды. Өзгөчө өлкөнүн түштүк аймактарында бул ылаңга байланышкан абал курчуп, илдет чыккан жерлерде карантин жарыяланды. Адистер ылаң түштүктөгү жайыттарга кошуна Өзбекстандан мыйзамсыз айдалып келген малдан тараганын божомолдошууда.
