Париж шаарында жайгашкан "Чек арасыз репортерлор" деген уюм кечээ күнү Украина жетекчилигине кайрылып, өлкөгө Беларустан качып келген Андрей Шенторович деген журналистке саясий баш калка берүүнү өтүндү. Беларуста март айында өткөрүлгөн президенттик шайлоо алдында ал коррупция жөнүндө бир нече макала жарыялаганда, камакка алынган жана үч күндөн кийин бошотулгандан кийин Украинага качкан.
