Бүгүн Өзбекстандын Наманган шаарында кыргыз-өзбек чек арасын делимитациялоо боюнча өкмөт аралык комиссиянын кезектеги жыйыны башталат. Бул тууралуу өкмөттүн регионалдык маселелер боюнча бөлүмүнүн башчысы Саламат Аламанов билдирди. Кыргыз-өзбек чек арасынын узундугу 1295 чакырым келет. Анын ичинен 200 чакырымдын тегерегиндеги аралык делимитациялана элек. Тараптар талаштуу 50гө чукул участок боюнча сүйлөшүүнү улантышат.