КАРАКОЛ. Ысыккөл облусунун губернатору Эсенгул Өмүралиев массалык маалымат каражаттары менен жолугуп, туризм боюнча Казакстанга маалымат борборун ачуу, Түп-Кеген автожолунун 86 чакырымын оңдоп, ишке киргизүү, көлдүктөрдүн айыл-чарба азык-түлүктөрүн жеринен саттыруу маселелери чечилгенин билдирди. Губернатордун жардамчысы Мирбек Кожоевдин ырастоосунда айыл-чарба азыктарын кайра иштетүүчү завод куруу боюнча Венгрияга жөнөткөн 14 долбоорду ишке ашыруу үчүн 29-июндан 4-июлга чейин атайын жумушчу топ келиши күтүлүүдө. Ал эми 21-июнь күнү Москва шаарынын мэри Юрий Лужков Тамчы аба майданын Внуково аба майданы аркылуу каржылоо маселесин бышыктоо үчүн Ысыккөлгө келет.
Шайырбек Эркин уулу
Шайырбек Эркин уулу
