БИШКЕК.19-июнда президент Курманбек Бакиев премьер-министр, өкмөт мүчөлөрү жана администрация өкүлдөрүнүн катышуусу менен жыйыны өткөрүп, анда аткаруу бийлигинде тартиптин жоктугу үчүн кескин сынга алды. Президент алкоголь тармагы, жол куруу, ипотекалык насыя, заводдордун курулушу, инвестиция тартуу боюнча маселелерди козгоп, министрлердин натыйжасыз иши өлкөнүн өнүгүүсүнө терс таасирин тийгизип жатканын белгилеген. Мамлекет башчысы аткаруу бийлигинен тартипти жана жоопкерчиликти талап кылып, декабрь айына эс алууга кетүүгө министрлерге тыюу салды.
