БИШКЕК. Кант цемент-шифер комбинатына байланышкан соттук териштирүүлөр 7-июлда башталат. Mамлекеттик акциянын 13,31% мыйзамсыз сатылып кетишине байланышкан бул иш боюнча сотко кыргыз өкмөтү кайрылган. Иш териштирилип бүткөнгө чейин экс-президент Аскар Акаевдин күйөө баласы Адил Тойгонбаевдин көзөмөлүндө болуп келген ишкананын 67, 64% акциясын сатууга тыюу салынган. Жогорку Кеңеш депутаттары ишкана акцияларынын бир бөлүгүнүн мыйзамсыз сатылып кетишине өкмөттүн айрым мүчөлөрүнүн тиешеси бар деп эсептешет.