БИШКЕК. БШК мүчөлөрү Куршаб шайлоо округундагы чатакты парламенттик каникул башталганга чейин Жогорку Кеңеш аркылуу жөнгө салууга аракет кылат. Бул тууралуу Куршаб шайлоо округунун Тузбел участогундагы добуш берүүгө көзөмөл жүргүзгөн БШК мүчөсү Жылдыз Жолдошева билдирди. Анын айтымында, Куршаб чатагы тереңдеп кетти. Куршабдагы шайлоо жыйынтыгы боюнча БШК Мамат Орозбаевди депутат катары таанып, мандат тапшырган. Бирок, Санжар Кадыралиевдин арызынын негизинде Жогорку Сот Тузбел участогунда кайра шайлоо өткөрүү чечимин чыгарган.
