Ирактын премьер-министри Нури аль-Малики улуттук жарашууга жетишүү боюнча планын парламентке сунуштады. Ага ылайык, куралдарын тапшырууга даяр болгон сунний козголоңчу топтору менен сүйлөшүүлөр башталат. Адам өлтүрүүлөргө тиешеси жок бир катар козголоңчу бирикмелерге карата мунапыс жарыяланышы ыктымал. Бул планды парламент ушул аптада талкуулайт.
