Жогорку Кенештин депутаты Мамат Орозбаевдин айтымында, 25-июнда №39 Куршаб шайлоо округунун Түзбел участогунда добуш берүүнүн үзгүлтүккө учуратуу анын атаандашы Санжарбек Кадыралиевдин алдыга койгон максаты болчу. Ал аны тартип коргоо органдарынын, аларга буйрук бере алган Адахан Мадумаров, Үсөн Сыдыковдун колдоосу менен ишке ашырды. Бул жөнүндө Мамат Орозбаев бүгүн Бишкекте өткөргөн маалымат жыйынында билдирди.
