БИШКЕК. Ош облустук ички иштер башкармалыгы өткөн жекшембиде Куршаб шайлоо округунун Түзбел участогунда добуш берүү учурунда болгон тартип бузууларга байланыштуу кылмыш ишин козгоду. Буга башкармалыкка кайрылган 11 адамдын арызы негиз берди. Түзбел участогунда добуш берүү маалында депутаттык үчүн ат салышып жаткан Мамат Орозбаев менен Санжар Кадыралиевдин тарапкерлеринин ортосунда кагылышуу чыгып, бири-бирине таш жаадырып, ок атуучу куралдар колдонулган. Натыйжада он бир адам жаракат алып ооруканага түшкөн.
