БИШКЕК. Кыргызстандагы мобилдик байланыш боюнча монополист болуп келген «Бител» компаниясы өзүнүн мүлкүн сатаарын расмий түрдө 1-июлда жарыялады. Мындай чечим кабыл алууга Байланыш боюнча улуттук агенттиктин эскертүүсү себеп болгон. Агенттик «Бител» компаниясы абоненттерди сапаттуу байланыш менен камсыздабай жатат, ошондуктан компаниянын лицензиясын чакырып алуу мүмкүндүгүн билдирген. «Бителдин» мүлкүн «Кател» компаниясынын кол алдындагы «Скай Мобайл» жоопкерчилиги чектелген мекемеси сатып алууда.
