БИШКЕК. «Демократия жана жарандык коом үчүн» коалициясы шайлоочулардын коопсуздугу камсыздалмайынча Түзбел шайлоо участогунда кезектеги добуш берүүнү белгилебей кое турууга БШКны чакырган билдирүү таратты. Коалиция ошондой эле ички иштер министри Мурат Суталиновду кызматтык иликтөө жүргүзүп, Ош облустук ички иштер кызматынынын жетекчилигинин жоопкерчилигин кароого чакырган. Коалиция 25-июндагы добуш берүү маалында ички иштер кызматкерлери байкоочулук гана милдет аткарган деп эсептейт. Куршаб шайлоо округунун Түзбел участогунда шайлоочулар ортосунда жаңжал чыгып, натыйжада добуш берүү акырына чыкпай калган.
