БИШКЕК. ЕККУнун Кыргызстандагы өкүлү Маркус Мюллер Фергана өрөөнүндө улуттар аралык чатак чыгат деп тынчсызданууга негиз бар деп эсептейт. Мындай пикирин ал журналисттер менен жолугушууда белгилеп, эл аралык эксперттердин иликтөөсү менен негиздеди. Эксперттердин 1997-жылкы иликтөөсүндө Фергана өрөөнүндө Югославия окуясы кайталанышы ыктымал деп болжогон. Ал эми премьер-министр Феликс Кулов мурдараак эл аралык миграция уюмунун өкүлү менен жолукканда эл аралык экстремисттик топтор Фергана өрөөнүндө чатак чыгарууга даярданып жатканы тууралуу маалыматы барын билдирген болчу.
