Долбоор боюнча Сарыжаз ГЭСтери жылына 750 МВт электр энергиясын иштеп чыгып, ал негизинен Кытайга экспорттолот. Беш ГЭСти курууга 2,5-3 миллиард АКШ доллары өлчөмүндө инвестиция керек жана курулган ГЭСтер иштеп чыккан электр энергиясы жыл сайын 300 миллион долларга сатылары болжолдонууда. «Сарыжаз энерго» жабык акционердик коомунун директорлор кеңешинин төрагасы болуп «Реформа үчүн» кыймылынын лидерлеринин бири Алмазбек Атамбаев шайланды.
Феликс Кулов Сарыжаз дарыясында беш ГЭС куруу боюнча техникалык экономикалык негиздеме иштеп чыгуу сунушун жактырды
