Израилдин аскерлери ушул түнү Газа секторунун түндүк бөлүгүнө киргизилди. Кечээ Израилдин өкмөтү жөөт аскерин бошотуу боюнча Газа секторундагы аскердик операциясын кеңейтүү чечимин кабыл алган. Палестин автономиясынан түшкөн расмий эмес соңку маалыматтар боюнча жөөт аскерлери ушул түнү Бейт-Лахия районунда “Аль-Жазира” телеканалынын кабарчыларын ташып бараткан автоунааны аткылашты. Жабыркагандар тууралуу азырынча так маалыматтар жок.
