Казакстандын ички иштерине сырттан эч ким кийлигише албайт. Бул тууралуу Казакстандын тышкы иштер министри Касымжомарт Токаев кечээ Вашингтондо билдирди. Ал бул принцип Шанхай кызматташтык уюмунун башкы принциптеринин бири экендигин да белгиледи. Серепчилердин пикиринде казак министринин мындай билдирүүсү АКШга карата айтылды. Президент Жорж Буштун администрациясы Казакстанда өткөн жылы болгон президенттик шайлоо эл аралык стандарттарга жооп берген жок деп сынга алган.
