Бүгүн өкмөт үйүнүн алдына 100дөн ашуун адам нааразылык акциясына чыгып, ишкер Мугруш Сулеймановду бошотуу талабын коюшту. Митингчилер жогорку кызматтагы айрым кишилер ишкерди куугунтуктап, бизнесин тартып алууга аракеттенүүдө дешет. Башкы прокуратуранын өкүлү нааразылык акциясына чыгууну бет тырмоочулук катары баалады. Ал эми Сулеймановдон жабыркаган атуулдар 11-июлда атайын маалымат жыйынын өткөрүп, Сулеймановдун алган карыздарын кайтарбаган фактыларын ачыкташаарын жарыялашууда.
