Индиянын Бомбей шаарында кечээ орун алган жардыруулардан соңку маалыматтар боюнча 170 тен ашуун адам мерт болгондугу кабарланууда. Шаардын темир жолунда жана поезддерде уюштурулган бул теракттарды Европа Биримдиги, АКШ, Россия жана башка өлкөлөр айыпташты. Индиянын премьер-министри Манмохан Сингх терроризмге каршы күрөшүү күчөтүлөт деп билдирди. Өлкөдө коопсуздук чаралары күчөтүлдү.
