Европа парламентинин 100дөн ашуун депутаты Россиянын президенти Владимир Путинге ачык кат жолдоду. Анда Россиянын “ЮКОС” мунай компаниясынын мурдагы жетекчиси Михаил Ходорковскийдин үстүнөн козголгон кылмыш иши боюнча акыйкат сот иликтөөсүн жүргүзүү өтүнүчү айтылган. Европа саясатчыларынын пикиринде Ходорковскийдин тагдыры үчүн жоопкерчилик президент Путинде. Бул ачык кат чоң сегиздин саммитине катыша турган өлкө жетекчилерине да жөнөтүлдү.
