Хизбулла Израилдин Хайфа шаарына ракета атып, кеминде сегиз киши набыт болду.

Дагы бир тобу жараат алды. Ракеталардын бири темир жол бекетине келип түштү.
Израил армиясы өз кезегинде Ливанды бешинчи күн катары менен бомбалады.
Кошмо Штаттары менен Британия Жакынкы чыгыштагы кырдаал үчүн Иран менен Сирияны күнөөлөштү. Иран өз кезегинде Израилдин Тегеран "Хизбулланы" аскер, ракета менен жабдып жатат деген кинесин четке какты.