Минскиде Россиянын элчилигинин жанында пикетке чыккан 30 адам убактылуу камакка алынды. Алардын ичинде беларус оппозициясынын лидери Анатолий Лебедько да бар. Пикетчилер Москвадан президент Александр Лукашенкого колдоо көрсөтүүнү токтотууну талап кылышты. Алар колдоруна Беларуста соңку 12 жылдын ичинде белгисиз жоголгон оппозициялык көз караштагы саясатчылардын портреттерин кармап турушту.
