БИШКЕК. 14-июлда Жалалабад шаарындагы куралдуу топту жок кылуу операциясы алдын ала бир жарым ай мурда даярдалганын коопсуздук кызматынын жетекчиси Бусурманкул Табалдиев дүйшөмбүдө президент Курманбек Бакиев менен болгон жолугушууда маалымдады. Табалдиевдин билдиргенине караганда, куралдуу беш адам Ортоазия чөлкөмүндө бир катар террордук акцияларды аткарышып, Кыргызстан, Тажикистан, Өзбекстан укук коргоо органдары тарабынын издөөдө жүргөн Өзбекстан ислам кыймылынын мүчөлөрү болуп чыккан.
