ОШ. Шаардык ички иштер башкармасынын маалымат кызматынын ага инспектору Замирбек Сыдыковдун маалыматына караганда, алар шаардын Подгорный көчөсүндөгү үйлөрдүн биринен кармалган. Өзбек жарандары жашап жаткан үйдөн Калашников автоматынын октору, жарылуучу заттар жана Кыргызстандын жасалма паспорттору табылган. Учурда кармалган өзбек жарандарынын жана үй ээси болгон кыргыз атуулунун үстүнөн кошумча иликтөө иштери жүргүзүлүп, кылмыш иши козголууда.
