БИШКЕК. Премьер-министр Феликс Кулов оппозиция ишинин кепилдигин караган мыйзам долбоорлорун иштеп чыгуу боюнча жумушчу топ түзүү тууралуу буйрукка кол койгонун бүгүн өкмөттүн маалымат кызматынан кабарлашты. Топтун жетекчисине юстиция министрлигинин статс-катчысы Эркинбек Мамыров дайындалды. Мындай чечим өлкөдө демократиялык процесстерди андан ары өркүндөтүү жөнүндө президент Курманбек Бакиевдин жардыгын ишке ашыруу максатында кабыл алынды.