БИШКЕК. Бул тууралуу «Азаттыкка» аталган уюмдун мүчөсү Султанбек Бадалов билдирди. Ал ошондой эле бул уюм менен Өзбекстан ислам кыймылынын эч кандай байланышы жоктугун айтат. Ал эми Ички иштер министрлигинин экстремизмге жана мыйзамсыз миграцияга каршы күрөшүү башкармалыгынын башчысы Осмоналы Гуронов «Азаттыкка» берген маегинде эки уюмдун ортосунда байланыш пайда болуп, ачык террордук-диверсиялык жолдорго өтүп жатканын белгиледи. Кечээ президент Курманбек Бакиевдин төрагалыгы астында өткөн кылмыштуулукка каршы күрөш маселеси талкууланган жыйында «Хизбут – Тахрир» уюму өлкөнүн тартип коргоо органдарына жихад жарыялаганы айтылган.
