БИШКЕК. Кечээ мекенине келген космонавт Феликс Куловго өзү менен кошо ачык космоско алып чыккан Кыргызстандын желегин жана космостон тартылган фото сүрөттөрдү тапшырды. Космонавт андан соң журналисттерге кечээ президент менен болгон жолугушууда малекет башчы улуттук космос программасын иштеп чыгууну баштоо сунушун айтканын, аны өкмөт башчы да колдогонун билдирди. Салижан Шарипов ушул эле күнү Чукул кырдаалдар министрлигинде болуп, министрлик менен кызматташууга ниеттенээрин белгиледи. Анын айтымында Орусиянын Чукул кырдаалдар министрлиги комонавттар менен дайыма тыгыз кызматташып турат.
