БИШКЕК. Курал-жарактар Кайырма деген мазардан бүгүн эртең менен оперативдүү иликтөө иштеринин жүрүшүндө табылганы тууралуу маалыматты Ош облустук ички иштер башкармалыгы таратты. Курал-жарактардын арасында үч граната, ок-дарылар жана күч структуралары жайгашкан имараттардын чиймелери бар. Алдын ала маалыматтарга караганда табылган курал-жарактар 14-июлда Жалалабаттагы окуяга катышы бар куралчан топко тиешелүү.
