23-июлда Кыргызстанга Россия Мамлекеттик Думасынын вице-спикери Владимир Жириновский жумуш сапар менен келди. Аны «Манас» аба майданынан Жогорку Кеңештин төрагасынын орун басары Кубанычбек Исабеков тосуп алды. Исабековдун билдирүүсүнө караганда, Владимир Жириновский 24-июлда Жогорку Кеңеште депутаттар тобу менен, андан кийин өкмөт үйүндө премьер-министр, президент менен жолугушууларды өткөрөт. Жириновский сапарынын соңунда Ысыккөлдө болмокчу.