БИШКЕК. Баш мыйзамдын долбоорлорун талкулоодо калктын калың-катмары президенттен, соттордон, Жогорку Кеңештин депутаттарынан кол тийбестик укукту алып салууну сунушташты. Ошондой эле мамлекеттик тил жалгыз кыргыз тили болуш керек деген пикирлерин билдиришти. Алардын 80 пайызы президенттик башкаруу формасын жактырышты. Бул тууралуу Конституциянын долбоорлорун иштеп чыгуучу топтун мүчөсү Топчубек Тургуналиев “Азаттыкка” билдирди. Анын айтымында, Талас, Жалалабад, Чаткалдын тургундары баш мыйзамды талкуулоого активдүү катышышкан.
