25-июлда таңкы саат төрт жарымда Ош шаарындагы «Сейил» кафесинен өзбек атуулу Бекмурат Каримов кармалды. Анын эс алып жаткан жаздыгынан үч граната табылып, тергөө иштери башталды. Оперативдик маалыматтар боюнча, Каримовдун Өзбекстан ислам кыймылынын активдүү мүчөсү экени аныкталган. Түштүк региондо диний-экстремисттик уюмдардын күчөшүнө байланыштуу Бишкек шаарынын милициясы күчөтүлгөн режимде кызмат өтөөгө киришти. Борбордун кире бериш жерлерине кошумча тосмо-бекеттер коюлуп, шектүү автоунаалар, атуулдар дыкат текшерилүүдө.
