25-июлда Кыргызстандын коргоо министри Исмаил Исаков генерал Жон Абизейд башында турган АКШнын борбордук командачылыгынын делегациясын кабыл алды. Сүйлөшүүдө эки тараптуу аскерий кызматташууларды өнүктүрүү, анын ичинде Коргоо министрлигинин сержанттарды даярдоо борбору жана атайын бөлүктөрүнүн инфраструктурасын, материалдык-техникалык базасын чыңдоо мүмкүнчүлүгү талкууланды. Жон Абизейд Кыргызстанга «Регионалдык кызматташуу 2006» машыгуусунун алкагында келген.
