БИШКЕК. 1994-жылы Кыргызстан элинин ассамблеясы Конституцияны узурпациялоо максатында түзүлгөндүгүн, Баш мыйзамды узурпациялоого аталган ассамблеянын айрым мүчөлөрүнүн катыштыгы бар экендигин айтып сынга алгандыгым үчүн, ассамблеянын жыйынынан жогорку бийликтегилердин көрсөтмөсү менен жан сакчылар айдап чыгышты, деп билдирди “Азаттыкка” “1993-жылдагы Конституция” элдик кыймылынын координатору Чоро Сарыпбеков. Анын айтымында, Кыргызстан элдеринин ассамблеясынын жетекчилиги бийликти ашкере мактап, президент Курманбек Бакиевге калпак кийгизип, чепкен жаап жагынуучулук мүнөздөн арылбай келишүүдө.
