БИШКЕК. Кыргызстандын Тышкы иштер министрлиги өзбек улутундагы кыргызстандык атуулду Өзбекстан бийлигине өткөрүп берүү тууралуу маалыматты тактап берүүнү сурап, Орусия тышкы иштер министрлигине кайрылды. Мындай маалымат министрликтин басма сөз кызматынан алынды. Орусия башкы прокуратурасы өзбекстандык он үч качкынды, алардын катарында кыргызстандык атуул Мамиржон Таштемировду Өзбекстанга өткөрүп берүүнү чечкенин орусиялык маалымат каражаттарына укук коргоочулар билдиришкен.
