БИШКЕК. Кыргызстанга сапары жаңы башталган АКШ мамлекеттик катчысынын жардамчысы Ричард Баучер бүгүн Бишкекте президент Курманбек Бакиев, өкмөт башчы Феликс Кулов, тышкы иштер министри Аликбек Жекшенкулов менен жолугушаары күтүлүүдө. Бул тууралуу тышкы иштер министрлигинен кабарлашты. Бейрасмий булактар Баучер кече түн жарымында Бишкекке келерин кабарлаган болчу. Ал эми АКШнын Кыргызстандагы элчилиги бул тууралуу так маалымат берүүнү каалаган жок жана муну коопсуздук чаралары менен байланыштырды.
