БИШКЕК. Учурда долбоорлорду которуу боюнча негизги иштер аяктап, тексттерди текшерип чыгуу иштери гана калды. Андан соң Конституция долбоорлору басма сөзгө жарыяланмакчы. Жогорку Кеңештин депутаты Азимбек Бекназаров баштаган жумушчу топ мамлекеттик башкаруунун үч ыкмасы боюнча баш мыйзамдын долбоорлорун өткөн айдын соңунда даярдап бүтүшүп, мамлекеттик тилде жазылган бул долбоорлор өлкө президентине сунушталган. Долбоорлор эми конституциялык кеңешменин, андан соң Жогорку Кеңештин кароосуна коюлат.
