БИШКЕК. Улуттук коопсуздук кызматынын жооптуу өкүлү Нурбек Токбаевдин «Азаттыкка» берген маалыматына караганда, өз чөйрөсүндө «Босс» деген ат менен белгилүү болгон бул адам аталган кыймылдын Өзгөн шаарындагы тобунун жетекчиси экен. Өткөн айларда Ош жана Жалалабат шаарында атайын операциянын учурунда өлтүрүлгөн террорчулар менен байланышта болгон. Күнөөсүн мойнуна алып келген бул адамдын аты-жөнү иштин кызыкчылыгына байланыштуу азырынча айтылбайт.
