БИШКЕК. Өзбек качкындары Валижон Бабажанов менен Сайдулла Шакировдун 16-17-август күндөрү Ошто дайынсыз жоголушуна байланыштуу иликтөө ишин жүргүзүүнү «Адилет» укук коргоо борбору Ички иштер министрлигинен талап кылууда. Бул тууралуу бүгүн аталган уюмдун жетекчиси Чолпон Жакупова маалымдады. Анын айтымында, дайынсыз жоголуп кеткен эки өзбек качкындын бири Анжияндын тергөө изоляторунда отурат.
