Өзбекстандан алынган газдын акысы көтөрүлө турганы ырас. Бирок, бир миң куб метр газ үчүн кандай баа болоору азырынча белгисиз, бул маселе октябрь айында чечилет. Мындай маалыматты 24 kg агенттиги “Кыргызгаз” Акционердик коомунун башкы директору Игорь Чудиновдун билдиргенине таянып жазып чыкты. Анын айтымында, учурда Өзбекстан менен газ боюнча сүйлөшүүлөр жүргүзүлүүдө, бирок, тарифтерге байланыштуу бир чечим кабыл алына элек. Азырынча Кыргызстан Өзбекстандан алынган бир миң куб метр газ үчүн 55 АКШ долларын төлөйт.
