БИШКЕК. Эгерде Жазаны аткаруу башкармалыгына болгон карыз өкмөт тарабынан берилсе, ал каражаттар түрмөлөрдөгү абалды жакшыртууга жумшалат. Бул тууралуу “Азаттыкка” аталган башкармалыктын жетекчисинин орун басары Элмурат Малдыбаев билдирди. Анын маалыматына караганда, учурда өкмөт Жазаны аткаруу башкармалыгына 57 млн сом карыз. Бул каражаттар соңку жылдары башкармалыкка бюджеттен каралган акча каражаттын толугу менен берилбей келгендигинин эсебинен топтолгон.
