БИШКЕК. Билим берүү, илим жана жаштар сасяаты министри Нур уулу Досбол мыйзамды сыйлабай, Биринчи май райондук сотунун чечимин аткарбай жатат, деп билдиришти Улуттук университеттин ректорлугуна беш талапкер бүгүн маалымат жыйынында. Алардын айтымында, Биринчи май райондук соту 17-августта Улуттук университеттин ректорунун милдетин убактылуу аткаруучу Рысбек Өмүркановду кызматтан четтетүүнү Билим, илим жана жаштар саясаты министрлигине милдеттендирген чечим чыгарган.
